نفس الرسايل كل يوم، طلبيات بتنكتب بالإيد، وحجوزات عالتلفون وإنت شغّال. هاد الروتين اللي ماكل يومك. إحنا شركة رقمية أساسها الذكاء الاصطناعي، ومنخلّيه يمشي لحالو.
استشارة استراتيجيةأرقام شهرية من محلات شغّالة
زبونك بيكتبلك بلهجته زي ما بيحكي — وبيطلع عندك طلب مرتّب، وبيرجعله رد. بلا ما تكتب حرف.
كل خدمة بتبلش من وجع بشغلك اليومي، وبتخلص بنتيجة بتشوفها بعينك.
رابط حجز باسم محلك: الزبون بيشوف الدور الفاضي وبيحجز بنفسه، وإنت بتلاقي يومك مرتّب قدامك.
كل الطلبات بتتجمّع بمكان واحد وبتترتّب لحالها — بتعرف شو المطلوب ومين طلبه بنظرة.
موقع سريع، والزائر بيلاقي اللي بدّه وبيطلب منه مباشرة — والطلب بيوصلك واضح وجاهز للرد.
مساعد واحد بيرد على زباينك على الواتساب وعلى موقعك من معلومات محلك، وبيحوّل اللي جاهز يطلب أو يحجز لعندك.
منقعد معك ومنفهم كيف شغلك ماشي فعلاً، ومنبنيلك نظام بيمشي على طريقتك — مش إنت اللي بتتغيّر عشان البرنامج.
كل مشروع بيبلش من كيف شغلك ماشي فعلاً، وبيخلص بنظام الناس بتستعمله كل يوم — مواقع، متاجر إلكترونية، لوحات تحكم، حجوزات، وأنظمة تشغيل.
مشروع شغّال
الطلبات كانت توصل صوتيات ورسايل مبعثرة. صار الطلب بيتفهم بلهجة الزبون وبينزل مرتّب على اللوحة.
الزبون بيشوف الدور المتاح وبيحجز بنفسه من الموقع، وبتوصله رسالة SMS بتأكّد دوره، والصالون بيلاقي يومه مرتّب قدامه — بلا مكالمات رايح جاي.
مشروع شغّال
براند شموع وهدايا شغل يدوي. البيع بيصير على واتساب وإنستغرام، والموقع شغلته يوصّل الحكاية والمنتجات لحدّ ما يوصل الطلب.
زيارة candivacandle.com
مشروع شغّال
كتالوج كبير كان صعب يتصفّح. صار كل صنف بكرته وصورته، والزباين بتفلتر بالمجموعة وبتطلب على واتساب — بالعربي وبالإنجليزي.
زيارة neutron-project.comالأرقام مقيسة من الإنتاج، مش تقديرات. الأسماء بتنعرض بإذن أصحابها فقط.
نص ساعة على واتساب أو مكالمة. منفهم شغلك ماشي كيف اليوم، ووين بيوجعك. مجاناً وبلا التزام.
شو رح ينبني بالضبط، قديش بياخد وقت، وقديش بيكلّف — مكتوب قبل ما نبلّش.
منوريك الشغل وهو ماشي، وبتعدّل عليه لحد ما يعجبك.
منشره ومنستضيفه، والمتابعة والتعديلات بالاشتراك الشهري اللي اتفقنا عليه.
كلام أصحاب الشغل، مش كلامنا.
«الطلبات كانت تيجي صوتيات وأنا أكتبها بورقة. هلق بتنزل قدامي مرتّبة وما بضيّع ولا وحدة.»
«الزبون بيحجز لحاله من الموقع. بصير أشوف يومي كله مرتّب قدامي من الصبح، وبطّلت أوقف الماكينة عشان أرد عالتلفون.»
«كنت كل زبونة أشرحلها من الأول: شو بنعمل، شو الأحجام، كيف بتطلب. هلق ببعت الرابط وبتلاقي كل إشي قدامها، وأنا بضل أشتغل.»
«قبل، اللي بيسأل ما كان لاقي إشي يشوفه غير صور بالواتساب. حكيتله شو بدي وفهمها من أول مرة، وكل ملاحظة بعتها انعملت. هلق في موقع الزبون بيشوفه وبيرتاح إنه يطلب.»
أنظمة ذكاء اصطناعي وشغل أوتوماتيك، مواقع تعريفية، متاجر إلكترونية، لوحات تحكم، أنظمة حجز ومواعيد، استضافة ومتابعة، وظهور بجوجل. كلها من عنا من الأول للآخر — ما منوزّع شغلك على حدا.
مش شرط. منقدر نشتغل على نفس قنواتك: الطلبات اللي بتوصلك على واتساب تنزل مرتّبة قدامك، والأسئلة المتكرّرة بيرد عليها النظام — بلا موقع أصلاً. والموقع بيفرق لما تلاقي حالك بتعيد نفس الشرح كل يوم، أو بدّك الزبون يطلب ويحجز لحاله. وإشي تاني: الصفحة مش ملكك — الحساب ممكن ينسكّر بيوم، والموقع بيضل.
حسب النطاق — والعرض اللي بنبعتلك بيقول المدة بالضبط قبل ما نبلّش. الموقع التعريفي عادةً أيام، والأنظمة أسابيع.
بالأنظمة إي — الحجوزات واللوحات إلها لوحة إدارة بتغيّر منها الخدمات والأسعار والأوقات لحالك. المواقع التعريفية تعديلاتها بترجعلنا، وهي ضمن الاشتراك الشهري.
كل موقع منبنيه بيطلع مجهّز من جوّا: عنوان ووصف وخريطة موقع وسرعة — وهاد داخل بسعر الموقع. بس التصدّر مش إعداد بينعمل مرة وبخلص، هو شغل يدوي مستمر: صفحات وكلمات وجوجل بزنس وتقييمات ومتابعة شهر ورا شهر. ⇒ هاي خدمة لحالها إلها سعرها، بتاخدها لما تحب.
على جزئين: تكلفة بناء مرة وحدة، واشتراك شهري للاستضافة والمتابعة. بنتّفق على الاتنين قبل ما نبلش، وما في فاتورة بتفاجئك. والمكالمة الأولى مجاناً وبلا التزام.
إي. الداتا والكود والتصميم ملكك إنت. الاستضافة عنّا ضمن الاشتراك الشهري — إحنا بنشغّل وبنتابع، بس اللي بنبنيه بيضل ملكك، وإذا يوم حبيت تنقله بتاخده معك.
إحنا. ما بنسلّم ونمشي — الاشتراك الشهري بيشمل الاستضافة والمتابعة والتعديل مع شغلك لما يتغيّر. وأي إشي بيوقف، إصلاحه علينا.
بلا عرض تقديمي وبلا مندوب مبيعات — بتحكي مع اللي رح يشتغل شغلك.
دقيقتين بتعبّيه · منرجعلك خلال 24 ساعة ومنحدّد المكالمة.
